ეს მარჯანიშვილის მეტროს მიმდებარე ტერიტორიაა. დილის 9 საათია. ცენტრალურ მოედნებზე მოძრაობა სტარტს იწყებს. გარემოვაჭრეები საქონლის დალაგებას იწყებენ. ქუჩებიც სუფთაა. ამ დროისათვის ფეხითმოსიარულეთა, გარემოვაჭრეთა და სატრანსპორტო საშუალებების მძღოლებს შორის ურთიერთობა ჰარმონიულია...

ეს ვიდეო კი საღამოს 6 საათზეა გადაღებული. პიკის საათიდან ამ დრომდე ცენტრალურ მოედნებზე მოძრაობა გადატვირთულია. ამ დროს ხშირია ავტოსაგზაო შემთხვევები, ქუჩის არასწორად გადაკვეთა, გარემოს დაბინძურება ნარჩენი პროდუქტებისგან და გარემოვაჭრეთა აგრესია ვიდეოკამერის დანახვის გამო, რაც ჩემს შემთხვევაშიც დაფიქსირდა. ფეხით მოსიარულეები აღნიშნავენ, რომ გარემოვაჭრეთა მომრავლება ცენტრალურ ქუჩებში გადაადგილებას აფერხებს, თუმცა იმ აზრსაც აფიქსირებენ, რომ ისინი სამუშაოს გარეშე არ უნდა დარჩნენ. მათ უნდა გამოეყოთ ადგილი, სადაც მუშაობას შეძლებენ. საინტერესოა რა ღონისძიებებს ატარებს თბილისის მერია ცენტრალურ მოედნებზე მოძრაობის მოსაწესრიგებლად და გარემოვაჭრეთა შესაბამის ადგილზე გადასაყვანად. ამ თემის ირგვლივ ვიმუშავებდი. გავაკეთებდი ქუჩის გამოკითხვას, გავიგებდი გარემოვაჭრეთა აზრს, მერიის წარმომადგენლისგან გავიგებდი თუ რა სახის სამუშაოები მიმდინარეობს აღნიშნული პრობლემის მოსაგვარებლად.